Novilunio Albariño sobre lías Rías Baixas

Arredor das ribeiras do Miño na súa desembocadura no Atlántico exténdese a comarca do Rosal, a subzona sur da denominación de orixe Rías Baixas, onde a uva Albariño medra en ladeiras orientadas a poñente e abertas ao mar. Un chan granítico e areoso, moi permeable, que permite obter viños moi finos e dunha acidez equilibrada.

Albariño sobre lías das Rías Baixas

Ese contorno de clima atlántico, con temperaturas suaves durante o verán, favorece unha maduración lenta e delicada, amais de manter unha alta conservación dos aromas afroitados. Con estas vides elabórase oNovilunio Rías Baixas, 100% albariño, vendimado a man, acio a acio, fermentado con levaduras de control e o seu propio pé de cuba, criado e afinado sobre lías en depósito de aceiro durante cinco meses.

O seu aspecto é limpo e brillante, cunha cor amarela dourada que deixa entrever tons verdosos e unha capa de intensidade media. En nariz é complexo e destacan as súas notas a froita madura e os seus aromas de carácter afroitado, con cítricos e mazá verde, plátano, ameixa, pomelo e lixeiro fondo floral. En boca destaca polo seu marcado volume, cun gusto untuoso e salino, de acidez contida e final sutil. É glicérido, cun lixeiro punto de frescor por mor da acidez que achega o albariño, caracterízase pola súa suavidade e cremosidade.

Perfecto para aperitivos lixeiros como berberechos ao vapor. Suxírense maridaxes con pasta e mariscos, queixos pouco curados ou guiso de pescada.

Grao alcohólico: 12,5% vol.
Temperatura de servizo: de 9 a 11 ºC.

Gastos de envío: 5,95 €.
Envío gratuíto para compras superiores a 55 €.