Destilerías Miño é a división comercial e distribuidora do Grupo Paniagua. Somos produtores de augardentes e licores desde 1878. Unha empresa familiar nacida no corazón de Galicia, na localidade ourensá do Carballiño A nosa historia e orixe son a base da ampla variedade de bebidas coas que contamos. A autenticidade do noso pasado é a garantía para idear un futuro que integre tradición e innovación.
Facer un bo uso do coñecemento que nos transmitiron os nosos devanceiros é para nós unha responsabilidade. Amplialo e transferírllelo aos que veñen, un desafío. Os nosos produtos non se entenden sen ese compromiso delegado dunha xeración a outra, o garante para mantermos no tempo o saber facer.
Gústanos o que facemos e gústanos facelo ben. Somos fieis a uns estándares cualitativos, esa é a base dos nosos produtos desde os comezos, ando os plans de calidade se chamaban ‘saber facer’ e eran un valor inherente á elaboración de bebidas. Un valor que herdamos e que ha ser parte do noso legado.
As empresas perduran só se teñen a capacidade de se adaptaren aos seus tempos, interpretan as mudanzas que acontecen en cada momento e saben transmitirlle a quen ha vir despois a importancia da resiliencia. A innovación é un valor fundamental na evolución desta empresa, e desenvólvese de forma estratéxica en todas as áreas da organización.
P.I. Uceira, Parcela 47
32500 O Carballiño
Ourense
